قاطو الكورني

قاطو الكورني فلاكس ساهل وبنين وميديش الوقت جربوه وأعطيوني رايكم
المقادير:
1) كورني فلاكس اي سيريال على شكل ورقة
2) 4 بطات شوكولة نتاع البقرة
3) 250 غ شوكولة عادية (لا حبيتيباطة نتاع 250غ نتاع كليوباترا)
4)1كغ كوكاو مقلي ومرحي
5) رطل عسل (باطة صغيرة نتاع 500غ)
6)250غ مارغرين صول(باطة صغيرة)
7) كيسات + ليناب ديالهم
الكيفية:
في حمام مائي ذوبي الشوكولة في كاسرونة كامل زيديلها المارغرين و العسل كي يتخلطو كامل يصبح خليط متجانس يكون سخون شوي نحي الكاسرونة من فوق الحمام المائي نضيفلها الكورني فلاكس كامل ونخلط ومن بعد نضيف الكوكاو المرحي بشوي الي أن يتماسك الخليط المهم ميكونش جاري بزاف وميكونش يابس يتهز بالمغرف نخلطوه مليح
من جهة أخرى نكون فتحت لي كيسات
وأخيرا نهز الخليط بمغرف كبيرة نتاع الماكلة ونكب في لي كيسات
انشاء الله تجربوه ويعجبكم مع تحياتي وشكرا
صح فطوركم