خطيبي - لو عايزة خطيبك يموت فيكي ؟ تعالي أقولك السر

الخميس 06 ديسمبر 2012, 10:34 pm

خطيبي - لو عايزة خطيبك يموت فيكي ؟ تعالي أقولك السر

أنا جيت لكم النهارده بحاجات فادتني كتييييييييير أوي في حياتي مع خطيبي ، وحسيت إني مبسوطة ومرتاحة ،
وخطيبي الحمد لله بيزيد حبي جواه زي ما هو بيقول ، قولوا ما شاء الله بأه .

هبدأ معاكم ، ونرتبهم على نقط ، ماشي ؟؟

1. أول حاجة واللي لازم تكون مهمة في حياتك مع خطيبك هيا الاحتراااام ،
إوعي لما ييجي في موقف هزار مثلا ويقولك يا غلسة ، ترديهاله ،
انتوا مش اصحاب وتتبادلوا الكلام اللي زي ده ، صدقيني هتكبري في عينه جاااامد ،
وهيحس إنك غير عن بقية البنات .

2. الرقة ، خلي بالك إنه هو راااجل ، وخاطب أنثى ،
عارفه يعني إيه أنثى ؟؟
يعني رقة ودلع ، يعني إيه ؟؟
يعني مفيش صوت عالي ، الصوت العالي ده ضد الأنوثة خاااااااااااالص ،
حتى تلاقي في لغة الجسد أصلا ، البنت لما تيجي تكلم خطيبها تلاقي تلقائي صوتها اتغير وبقى واطي وهامس ،
وما نبقاش عارفين الرقة دي جات منين هههههههههههه ،
خليكي كده على طول ، مش لما تبقي رايقة بس ، ولما تتنرفزي تطلع أمنا الغولة ،
معلش بهزر معاكوا انتوا زي اخواتي ،
الراجل بيخزن صورة ليكي في عقله اللا واعي ، لما بيشوف زميلته في الشغل هادية وصوتها هادي ، مع العلم إن الصوت الهادي ده بيكون مغري جدا،
بلاش تيجي في باله صورتك وانتي صوتك عالي ، لا ما تديهوش فرصة لكده ، عشان يشوفك دايما أحلى حاجة .

3. من صور الرقة برضو ، لما تزعلي معاه ، ما تمديش بوزك شبرين ،
لا يا حبيبتي ازعلي وبيني له إنك زعلانه ، بس زي الأطفال ، عارفه إزاي ؟
بنظرة عينيكي المكسورة دي ، ومدي شفايفك سنتي كده ههههههههههه ،
مانتي كده ده زعلانه ، بس ليه تترسخ في باله صورتك وانتي مكشرة ،
بصي هقولك على حاجة ، قربي من المراية وكشري كده وشوفي شكلك عامل إزاي ، يا ساااااتر ، ترضي يشوفك بالشكل ده ؟؟
يبقى عودي نفسك من دلوأتي ما نمدش البوز شبرين لما نزعل ،
يبقى زعلنا كله أنوثة ورقة ، وأصلا هو مش هيقدر يقاوم ويخليكي زعلانه كده كتير ههههههه .

4. الغموض ، مش لازم كل حاجة في حياتك يكون هو عارفها ،
لا ، خليه يبقى متشوق يكلمك ويسمع صوتك ويعرف انتي بتعملي إيه ،
مايبقاش قاعد مكانه ، وعارف انتي دلوأتي نايمه ، انتي نازلة ،
خليه يدور وراكي ، حتى لو مش مبين لك ، بس بيحس بالإثارة إنه يكشف غموضك ،
مافهاش حاجة لو سألك عن حاجة ، وبصيتي له برقة : وقلتي له سر مش هقولك ،
هيتجنن هو عشان يعرف إيه السر ده ههههههههه ،
الرجاله دول زي الأطفال ، فيهم فضول لازم نثيره .

لو عجبكم الموضوع يا بنات ،
قيموا ، وقولوا لي عشان أكمل ، لسا عندي كتييييير .

فهرس الموضوع

خطيبك غير صاحبتك
ايه رايك بلبسي
لما خطيبك يكون متضايق بتعملي ايه
خليكي ايجابيه
ازاي ابقى غامضه
طريقة العتاب
الطاعه والاعتراف بالخطأ
التقل صنعه
نصائح تخص التقل
الحب
الدعاء
دموعك وتاثيرها
الانوثه
التنازلات الماديه
التنازلات العاطفيه
انا حلوه وبحب الناس
يوم ما كنت نكديه
المفتش كرومبو
انا غير عنهم كلهم
انا مش شكايه ودمي تقيل
انا اعصابي حديد
الغيره
مشاكلك متخرجش برى
تقل ولا تطنيش
قايده صوابعي شمع
المديح
المسجات
انتي واهله
انتي وهو صاحبتك
الطريق لقلبه
النهايه