هل يمكنك ان تكون مثل هذا الشاب

السبت 19 مايو 2012, 9:50 pm

هل يمكنك ان تكون مثل هذا الشاب

يسم الله الرحمن الرحيم

والصلاه والسلام علي اشرف المرسلين سيدنا محمد (صلي الله عليه وسلم) الصادق الامين .

اما بعد :

هل يمكن ان تكون هذا الشاب.......

الموت قريب جدا اعمل لآخرتك

منقول من تسجيل صوتي لأحد الصالحين

يقول في هذا التسجيل الصوتي ما سأكتبه لكم الآن ..

لا اله الا الله
محمد رسول ‏الله

الموت اقرب مما تتخيل!!

اوعي تقولي مش هتموت دلوقتي

لا‏!‏‏!‏

هتموت ازاي؟؟

هتموت كده!‏

خلي بالك !! اوعي تموت علي معصيه..!

صدقني الموت قريب جدا منك!!
ترضي تبعث يوم القيامة و انتا في الحالة دي؟

"كل ‏نفس ذائقة الموت ثم إلينا ترجعون‏"‏

في ليلة من الليالي من حوالي 3 سنين تقريبا

لقيت التليفون بتاعي الموبايل بيرن!

الساعه ‏2‏ بليل!‏‏!‏

رديت لقيت واحده بتبكي بكاء شديد جدا! بتقولي الحقني يادكتور...انا احوالي كذا كذا و عندي مصيبه تعالي تعالي بسرعة!!

لروحت قافل التليفون!‏
واحده مموته نفسها من العياط الساعه 2 بليل وبتقولي تعالي!
مستحيل طبعا اروح!‏‏!‏

فتحت التليفون .. مافيش 5 دقايق ورنت تاني!
يادكتور ارجوك الله أنا مبهزرش والله أنا عندي مصيبه و هي تبكي
ارجوك انا ابني مات!‏

تعالي تعالي ارجوك ..
أنا عنواني كذا كذا

تالت مره رنت تاني .. انا قولت لا بقي دا اكيد في حاجه فعلا ..
اتصلت بتلاته اربعه من الشباب و اخدتهم وروحنا..

عنوانها يعني في حي من ارقي الاحياء لقيت فيلا يعني فخمه جدا
رنيت الجرس!‏‏!‏

فتحت الست .. أول ماشافتنا اغمي عليها .. عمرها حوالي 50 سنة تقريبا .. فاقت وشاورتلي علي باب مقفول
وقالتلي لو سمحت
ادخل الباب ده ‏و ‏هي بتبكي‏!‏

فتحت الباب .. لقيت شاب مرمي علي المكتب . عاري كيوم ولدته امه! عريان تماما كيوم ولدته امه!
و مرمي علي المكتب بتاعه وقدامه علي المكتب شاشة الكومبيوتر بتاعه و كان فيها مفتوحة علي موقع
من ‏المواقع الإباحيه!‏‏!‏

واحسرتاه!
انا بصراحه خدت الملايه وسترته ومسكت ايده لقيته مات!
ببص علي الشاشة لقيت موقع
لمن ‏المواقع ‏الاباحيه!‏

فواحسرتاه!
كان بيعمل اية الشاب!‏‏!‏
شاب عريان تماما و بيتفرج علي موقع من المواقع الإباحيه !
و يمارس عادات رزيله ..
مات ‏و ‏هو بيتفرج كده!‏‏!‏
مات عريان و هو بيتفرج علي الموقع الإباحي دهوة مات و هو بيمارس شهوة خاطئه محرمه..
فإنتبه!‏

عمره 22 سنة كان لسه متخرج بقاله شهر من كلية من الكليات العسكرية .. يعني شاب في منتهي الصحه في عز شبابه مش ناقصه اي حاجه لا صحة ولا مال ولا جمال ولا منصب ولا أي حاجه ..
22سنة وقاعد بيتفرج بيعمل حاجه حرام
ومات وهو كده!‏‏!‏

هيبعث ازاي..؟ هيبعث كده . هيخرج من مكانه و هو كده . هيدخل قبره و كل الدنيا هتعرف انه كان بيتفرج!علي موقع من المواقع الاباحية كان بيعمل حاجه حرام !
ياتري!‏‏!‏

انتا ممكن تكون الشاب ده..!
كيف سيكون ‏حالك!‏‏!‏

طبعا احنا لمينا الدنيا و كفنا الولد ودفنناه .. ربنا عز و جل ارحم بية منا ..
العبره ‏من ‏القصة!‏‏!‏

انتا انتا اشد صحه من الشاب ده .. انتا عندك مال أكثر من شاب وحيد ابوه وأمه علي فكره .. ساكن في أرقي حي من احياء القاهرة .. انتا أحسن منه .
لا‏!‏‏!‏
انتا تضمن ان انتا تعيش لغايت ماتخلص المعصيه..!
لا‏!‏‏!‏
هتقولي انا بحب واحده وبدوب في دباديبها و بنتمشي انا و هي علي الكورنيش . تخيل وانتا ماشي معاها . لو مت دلوقتي! هتعمل اية .. هتقول لربنا اية .. هتبعث ازاي وانتا كده..!
لو انتا بتعاكس واحده .. لو انتا بتشرب سيجاره .. لو انتا بتشرب خمرا .. بتشرب مخدرات . بتعمل معصية ..!

هتموت ازاي!‏‏!‏
اوعي تقولي مش هموت دلوقتي اوعا تقولها..!
لأه لأ الدنيا اقصر مما تتخيل والموت قريب منك..

فهل من يعتبر؟؟؟

السبت 08 ديسمبر 2012, 1:00 pm

شكرا لك وبارك الله فيك على الموضايع الإسلامية المفيدة

هل يمكنك ان تكون مثل هذا الشاب

هل يمكنك ان تكون مثل هذا الشاب

رد: هل يمكنك ان تكون مثل هذا الشاب